22

വാഷിംഗ്ടൺ ഡിസി: ഇറാനെതിരേ അതിശക്തമായ വ്യോമാക്രമണം തുടർന്ന് അമേരിക്ക. ഇ​റാ​നി​ലെ പ്ര​ധാ​ന ന​ഗ​ര​ങ്ങ​ളാ​യ ബു​ഷെ​ഹ​ർ, ത​ബ​രീ​സ് എ​ന്നി​വി​ട​ങ്ങ​ളി​ലെ സൈ​നി​ക, ത​ന്ത്ര​പ്ര​ധാ​നകേ​ന്ദ്ര​ങ്ങ​ളെ ല​ക്ഷ്യ​മി​ട്ടാ​ണ് യു​എ​സ് വ്യോ​മ​സേ​ന ആക്രമണം നടത്തിയത്. എ​ന്നാ​ൽ, സൈ​നി​ക ന​ട​പ​ടി​ക​ൾ അവസാനിപ്പിക്കില്ലെന്നും വരുംദിവസങ്ങളിലും കനത്ത തി​രി​ച്ച​ടി​ ഉ​ണ്ടാ​കു​മെ​ന്നും അമേരിക്കൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ഇറാനു ശക്തമായ താക്കീതു നൽകി.

മേ​ഖ​ല​യി​ൽ അമേരിക്ക ന​ട​ത്തു​ന്ന സൈ​നി​ക ഇ​ട​പെ​ട​ലു​ക​ൾ തു​ട​രു​മെ​ന്ന സൂ​ച​ന​ക​ളാ​ണ് ട്രംപിന്‍റെ പ്ര​സ്താ​വ​ന ന​ൽ​കു​ന്ന​ത്. ഇ​റാന്‍റെ ഭാ​ഗ​ത്തു​നി​ന്നു​ണ്ടാ​കു​ന്ന ഭീ​ഷ​ണി​ക​ൾ പൂർണമാ‍യി അവസാനിക്കുന്നതുവരെ ആ​ക്ര​മ​ണം തു​ട​രു​മെ​ന്ന് ട്രംപ് വ്യക്തമാക്കി. ഇ​രു​രാ​ജ്യ​ങ്ങ​ളും ത​മ്മി​ലു​ള്ള സൈ​നി​ക ഏ​റ്റു​മു​ട്ട​ൽ രൂ​ക്ഷ​മാ​യ​തോ​ടെ മി​ഡി​ൽ ഈ​സ്റ്റി​ൽ വ​ൻ സം​ഘ​ർ​ഷാ​വ​സ്ഥ​യാ​ണു രൂ​പ​പ്പെ​ട്ടി​രി​ക്കു​ന്ന​ത്.

പ​ശ്ചി​മേ​ഷ്യ​യി​ൽ യു​ദ്ധ​ഭീ​തി ശ​ക്ത​മാ​യ​തോ​ടെ ആ​ഗോ​ള എ​ണ്ണ​വി​പ​ണി​യി​ൽ വ​ൻ വി​ല​ക്ക​യ​റ്റ​മാ​ണ് അ​നു​ഭ​വ​പ്പെ​ടു​ന്ന​ത്. ബ്രെ​ന്‍റ് ക്രൂ​ഡോ​യി​ൽ വി​ല ക്ര​മാ​തീ​ത​മാ​യി ഉ​യ​ർ​ന്നു. ഹോ​ർ​മു​സ് വ​ഴി​യു​ള്ള എ​ണ്ണ​ക്ക​പ്പ​ൽ ഗ​താ​ഗ​തം ത​ട​സ​പ്പെ​ടുന്നതു ലോ​ക സ​മ്പ​ദ്‌​വ്യ​വ​സ്ഥ​യെ പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്.

യു​എ​സ്-​ഇ​റാ​ൻ പോ​രാ​ട്ടം ശ​ക്ത​മാ​യ പ​ശ്ചാ​ത്ത​ല​ത്തി​ൽ അ​ന്താ​രാ​ഷ്ട്ര ത​ല​ത്തി​ൽ വീണ്ടും ന​യ​ത​ന്ത്ര ഇ​ട​പെ​ട​ലു​ക​ൾ സ​ജീ​വ​മാ​യി​ട്ടു​ണ്ട്. സം​ഘ​ർ​ഷം കൂ​ടു​ത​ൽ രാ​ജ്യ​ങ്ങ​ളി​ലേ​ക്കു പ​ട​രു​ന്ന​തു ത​ട​യാ​ൻ യു​എ​ൻ അ​ട​ക്ക​മു​ള്ള ആ​ഗോ​ള സം​ഘ​ട​ന​ക​ളും വി​വി​ധ രാ​ഷ്‌ട്ര​ത്ത​ല​വ​ന്മാ​രും അ​ടി​യ​ന്ത​ര ഇ​ട​പെ​ട​ലു​ക​ൾ​ക്കു ശ്ര​മി​ക്കുകയാണ്.